I get this tori from another popular blog and from wetin I dey hear,e be like say na true.See the gist:
2 days ago(Wednesday April 15) for Shizzi studio Mc Galaxy wey sing Sekem carry wound go house after Davido and hin driver beat am and come break orijin bottle for hin head
and People wey there talk say B-red and Mc galaxy just dey play dey talk say who popular pass as the Sekem master dey argue say hin na him popular pass.Another HKN member from Ghana come talk yab Galaxy say him dey call himself Comedian but hin no even funny,Galaxy come reply am say nobody even hin no am.
Dem talk say Davido just come out,come dey shout say make Mc galaxy come out,before galaxy go react Davido and hin driver(lati) start to dey beat am,dem come break Orijin bottle for hin head.
Galaxy eyes and face don swell up now and even Davido manager don confam am say the tin happen.
I no like this kind tin,why our artist dem go dey fight. I no say Davido and Mc galaxy don work together before. Davido don too dey beat person sef.
E-more
No comments:
Post a Comment
This comment no show wetin ITK think about this post. Please no put words wey no good for una comment.Thank you.
Call +2348188393890
Or send Una email to emoreitk@gmail to advertise and for any informate.